Арассыыйаҕа бүттүүн бүрүүкээбит билиҥҥи уустук балаһыанньаҕа дьоннорун-сэргэлэрин көмүскэлигэр турбут, баҕа өттүлэринэн уонна ыҥырыллан ытык иэстэрин төлүү барбыт эр дьоммутунан, кинилэргэ күүс-көмө, өйөбүл буолар ийэлэринэн, кэргэттэринэн киэн тутта саныыбыт уонна түмсүүлээх норуот инникитэ бигэ кэскиллээх диэн эрэнэбит. Олунньу 28 күнүгэр үйэ тухары өйдүү, ахта-саныы сылдьар, Хомустаах 2-с нэһилиэгин түөлбэтигэр биир киэн туттар уолаттарбытыттан биирдэстэрин аатын үйэтитэн, анал байыаннай дьайыы кыттыылааҕа Попов Куприян Николаевич аатынан Аҕа дойдуну көмүскэччилэрин күннэрин чэрчитинэн түөлбэлэр икки ардыларыгар военизированнай эстафета ыытылынна. Тэрээһиҥҥэ үс түөлбэ кытынна. Тэрээһини ыытыыга Куприян Николаевич аймахтара, эдьиийдэрэ, балтылара, убайдара, бырааттара кыайыылаах түөлбэ хас биирдии кыттааччыларыгар сыаналаах бириистэри уонна абсолютнай сыал ытыыга 10 000 тыһыынча солкуобай сертификат туруоран күрэх үрдүк таһымҥа ааста.
1-кы миэстэни «Сайдам» түөлбэ көһө сылдьар кубогынан, сыаналаах бириистэринэн наҕараадаланнылар, 2-с миэстэни «Сатас» түөлбэ, 3-с миэстэни «Чагда» түөлбэ ыланнар түөлбэлэр бэлэмнээбит бириистэринэн, тортарынан наҕараадаланнылар. Абсолютнай сыал ытыы күрэҕэр Протопопов Егор Вячеславович кыайыылааҕынан тахсан 10 000 тыһыынча солкуобай сертификатынан наҕараадаланна. Нэһилиэк дьаһалтатын, түөлбэлэрин,спорт культура аатыттан Махталбытын тиэрдэбит! Инникитин да инник түмсүүлээх буолуоҕун!
