Олунньу 23 күнүгэр Хомустаах 2-с нэһилиэгэр «Аҕа дойдуну көмүскээччилэр күннэрин» чэрчитинэн ыытыллар тэрээһиннэргэ Нам нэһилиэгиттэн «Ситим» айар -тутар түмсүү уонна нэһилиэкпит кэрэ аҥардарын холбоһуктаах, эркин курдук эрэнэр эрэллээх эр бэртэригэр эҕэрдэ кэнсиэр буолла. Кэнсиэри «Ситим» түмсүү чороонноох үҥкүүнэн аста уо.д.а араас норуот үҥкүүлэрин дьоҥҥо-сэргэҕэ бэлэх уунна. Нэһилиэкпит кэрэ аҥаардара Мария Иванова, Савелия Егорова, Саргылана Попова уонна «Уйгууна» ансаамбыл эҕэрдэ ылбаҕай ырыаларын бэлэхтээн кэнсиэр үрдүк таһымнаахтык ааста. Кэнсиэр бүтүүтэ кыттыылаахтары кытта хаартыскаҕа түстүлэр. Кэлбит ыалдьыттар тэрээһинтэн астынан, үөрэн-көтөн тарҕастылар.
