Сэтинньи ый 15 күнүгэр «Сэргэлэх» сынньалаҥ киинигэр «Идэһэ – 2025» диэн үөрүү, түмсүү уонна дэлэй аһылык бырааһынньыгын УСХ, олохтоох администрация тэрийдилэр. Бу күн «нэһилиэк дьаарбаҥкатыгар ким баҕалаах бэйэтэ араас минньигэс астарын, кэтэх хаһаайыстыбаларыттан оҥорбут бэйэ бородууксуйатын аҕалан атыылаатылар.
«Идэһэ — 2025» атыы-эргиэн дэлэй дьаарбаҥката буолла. Дьаарбаҥка кыайыылааҕынан таҕыста элбэх ас көрүҥүн атыылаан Протопопова Саргылана Саввична. Кыайыылаахха бирииһи туруорда ИП «Елена» маҕаһыын салайааччыта Попова Елена Лукинична.
Бу күн «Идэһэ төбөтүн сүлээһинэ» күрэх ыытылынна. Кыайыылааҕынан Охлопков Афанасий Семенович тахсан УСХ туруорбут сыаналаах бирииһинэн наҕараадаланна. Күрэх кыайыылааҕар уонна кыттыылаахтарыгар эҕэрдэбитин тиэрдэбит. Бу курдук күүтүүлээх «Идэһэ – 2025с.» тэрээһинэ – норуот үгэстэрин харыстааһын, ыччаты төрүт култуураҕа сыһыарыы уонна дьону биир сомоҕоҕо түмүү чаҕылхай холобура буолла. Маннык үөрүүлээх түгэннэр нэһилиэк сомоҕолоһуутун өссө күүһүрдэн сайдыыга эрэли үүннэрдин.
