Балаҕан ыйын 26 күнүгэр ыаллыы сытар Уйгу быйаҥ Уус-Алдан Баатаҕай нэһилиэгэр Өрөспүүбүлүкэбит судаарыстыбаннаһын күнүнэн эҕэрдэлээн «Өрүүтүн аргыс буоллун — Ырыам» диэн ааттаах Нам улууһун Хомустаах 2-с нэһилиэгиттэн гастрольнай концерт буолан сылдьан кэллэ. Баатаҕайдааҕы С.Ф. Сивцев аатынан «Түмэн» норуот айымньытын киинин үлэһиттэрэ кэлбит ыалдьыттары үөрэ-көтө көрүстүлэр. Итии чээйдээх, сахалыы астаах алаадьылаах, толору астаах остуол тэрийэн үлэлэрин сүрүн хайысхаларын билиһиннэрэн, ирэ-хоро, уопут атастаһан кэпсэттилэр. Киэһэ 19ч.00м. кирии билиэтинэн лоторея оонньонон сүрүн бириис
Хомустаах 2-с нэһилиэгин минньигэс отоно, эмис куһа, өрүс балыга, маны таһынан араас бириистэр оонньоннулар. Кэлбит көрөөччүлэр илии тутуурдаах, өттүк харалаах үөрэ-көтө ылламмыт ырыаларга үҥкүүлээн, дуоһуйан, сынньанан тарҕастылар.
