Уһун кыһын кэнниттэн ,аам — дьаам тымныылар ааһаннар. Ырыа тылынан эттэххэ «Күндүл сааспыт эргиллэн, күммүт күлүм уоттанна, оҕо аймах мунньустан, көрү — нары көҕүлээтэ». Үгэскэ кубулуйбут Сандал Сааһы көрсүү, хас биирдиибитигэр үтүө өйдөбүлү хаалларар. Хаһан да хатыламмат олохпут биир кэрэ түгэнин, бары тахсан көххө, дойдубут көй ыраас салгынынан тыына, доҕоттордуун алтыһа, көргө — нарга кыттыһа бары үөрэ — көтө, туһалаах сынньалаҥ Хомустаах 2-с нэһилиэгэр бэрт сэргэхтик буолан ааста. Бу сааскы ылааҥы күн аллараа Тумуска бэлэм анньыллыбыт сиргэ дьону-сэргэни түмтэ. Ол курдук Намтан Осипов Владимир Владимирович түөрт доҕотторун кытта велосипедынан кэлэн ыалдьыттаатылар. Сааскы бастакы бырааһынньыгы «Сэргэлэх» сынньалаҥ киинин уус-уран салайааччыта Мария Анатольевна салайан ыытта. Эҕэрдэ ырыалар ылланнылар, атыы-эргиэн дьаарбаҥката буолла. Минньигэс, элбэх ас араас көрүҥүн астаан аҕалбыт Саргылана Саввична Протопопова Микроволновай оһоҕунан наҕараадаланна.Бу күн бииртэн биир сэргэх күрэхтэр ыытылыннылар. «Корнхолл», «Тоҥуу хаарга сүүрүү», «Остуолбаҕа ыттыы», «Массыына соһуута». Ол курдук: «Корнхолл» күрэҕэр — оҕолорго Соловьев Влас электрическай чайник, эр дьоҥҥо – Намтан кэлбит ыалдьыт Сергей Иванов термос, дьахталларга – Варвара Потапова электрическай вафельница ыллылар. Остуолбаҕа ыттыыга – эр дьоҥҥо – Савва Протопопов электрическай перфоратор, ветераннарга Марк Олегович Потапов электрическай терка ыллылар. Хаарынан сүүрүүгэ – кыра сүһүөххэ: I миэстэ-Данилова Сайнаара, II миэстэ — Осипов Коля, III миэстэ — Петухов Дима буоллулар. Орто сүһүөххэ: I миэстэ- Петухов Дима,
II миэстэ – Колесов Алеша, III миэстэ – Ширяев Эркин буоллулар. Улахан сүһүөххэ: I миэстэ- Иванов Андрей, II миэстэ – Соловьев Влас, III миэстэ – Никифоров Алеша буоллулар. Кыайыылаахтар бары мэдээлинэн уонна грамотанан наҕараадаланнылар. Массыына соһуутугар: I миэстэҕэ үс кыттааччы: Копырин Иван Николаевич – портативный аккумулятор, Никонов Сергей Саввич – весы напольные, Осипов Алексей Констонтинович – безпроводной наушник уонна кыайыыга дьулуурун, бары күрэххэ кыттыбытын иһин Алеша Никифоров электрическай фенынан наҕараадаланнылар. Бу сааскы сандал сааһы үөрүүлээхтик көрсүүгэ элбэх нэһилиэк олохтооҕо, оҕото, эдэр ыччата актыыбынайдык күрэххэ, атыыга кыттаннар илии тутуурдаах, өттүк харалаах үөрэн-көтөн тарҕастылар.
