«Ким да умнуллубат, туох да умнуллубат» Кыайыы 80 сылынан ыытылла турар тэрээһиннэр чэрчитинэн «Нам улууһа Кыайыы суолунан» диэн акция нэһилиэктэринэн айанын муус устар 4 күнүгэр биһиги Хомустаах 2-с нэһилиэкпитигэр сырытта. Нам улууһун культуратын, «Бастакылар хамсааһыннара» улуустааҕы оҕо-ыччат тэрилтэлэрэ чымадааҥҥа музейдаах, документальнай киинэлээх, Аҕа дойду сэриитигэр презентациялаах, сэрии кэмин ырыаларыттан, Кыайыы оһуохайдаах, «Хайыһар» ырыалаах ыалдьыттаатылар. «Нам улууһа Кыайыы суолунан» акция бэлиэтин Хомустаах 2-с нэһилиэгэр туттардылар. Тэрээһиҥҥэ эдэр ыччат, аҕам саастаахтар оскуола оҕолоро сылдьан активнай кыттыыны ыллылар.
