Тыа сирин эр дьонун сатабылын тургутар, уол оҕону сөптөөхтүк иитиигэ көҕүлүүр Улуу Кыайыы 80 сылыгар аналлаах улуус иһинэн ыытыллар «Аҕа күрэҕэ-2025» быйыл Нам улууһун 2-Хомустаах нэһилиэгэр ыытылынна. Ол курдук Модуттан – Охлопковтар, Үөдэйтэн – Охлопковтар, 1 – Хомустаахтан — Винокуровтар, Хамаҕаттаттан — Харатаалалар, Хатыҥ – Арыыттан – Соловьевтар дьиэ кэргэттэрэ кытыннылар. Маһы сулуйуу, эрбэтии, хайытыы, саһааны туруоруу, оллоону оттуу, чэйи өрүү, баҕанаҕа ыттыы, хайыһарынан тэбэн сыал ытыы курдук бэрт сэргэх күрэс көрүҥнэрэ ыытылыннылар. Бу күрэхтэргэ анаан-минээн дьарыктанар дьон эмиэ бааллар эбит. Холобура хаһыс да сылын мэлдьи көхтөөхтүк кыттар дьиэ кэргэттэр табыллыбатах түгэннэрин сайыннаран, тупсаран биэрэллэр. Тыҥааһыннаах киирсии түмүгүнэн кылаан кыайыылаах аатын Хамаҕаттаттан -Харатаала Арыйаан Харыстас уола Арчылан Арыйаан-1 -миэстэ 50 000солк., 2 миэстэ — 1 Хомустаахтан – Винокуровтар 25 000солк. 3 миэстэ — Хатыҥ – Арыыттан – Соловьевтар 15 000солк.ыллылар. Кыайыылаахтар харчынан уонна сыаналаах бириистэринэн наҕараадаланныллар. Көрөөччүлэр тыҥааһыннаах киирсиилэри сэргии көрдүлэр, күрэс түһүлгэтигэр ыһыы-хаһыы, «ыалдьыы» олус көхтөөх этэ. Кыайыылаах Харатаала Арыйаан Харыстас уола Арчылан Арыйаан уолунаан кулун тутар 29-30 күннэригэр улуус чиэһин көмүскүү өрөспүүбүлүкэтээҕи күрэххэ кыттар чиэскэ тигистэ. Харатаалалар дьиэ кэргэттэригэр ситиһиини баҕарыаҕыҥ!
