Ыам ыйын 23 күнүгэр, бэс чагдалаах турслет паркаҕа, күөххэ үктэммит үөрүүлээх, самаан сайыны көрсөр күүтүүлээх күнэ – үгэскэ кубулуйбут Ньукуолун уонна Турслет «Моһолу туоруур 2026» норуот күүлэйэ буолан ааста. Бу күн сылаас, сымнаҕас алгыстаах алаадьынан уонна нэһилиэкпит эр дьоно Байанай күндүлээбит бэлэҕиттэн өртүк харалаах кэлэн, сибиэһэй кус миинэ күндүлэннэ. Бырааһынньыгы тыа сирин түөлбэтин баһылыгын эбээһинэһин толорооччу — Петр Дьулустаанович Васильев үөрүүлээхтик эҕэрдэлээн, «Хомус» уһуйаан коллектива норуоттар сомоҕолоһууларын сылларынан араас омук холбоһуктаах норуоттарын үҥкүүтүнэн арыйда. Бу кэннэ «Моһолу туоруур 2026» -күрэҕи иилээн- саҕалаан ыыттылар Чемпина Сахаайа Ильинична уонна Уваровскай Петр Романович. Күрэх Е.П.Сивцев аатынан орто оскуола, «Хомус» уһуйаан, Врачебнай амбулатория, олохтоох дьаһалта тэрилтэлэрин икки ардыларыгар олус тыҥааһыннаахтык ыытылынна. Күнүскү эбиэт кэннэ тэрилтэлэринэн «Норуоттар Сомоҕолоһууларынан» сыл чэрчитигэр аналлаах фотозона уонна музыкальнай нүөмэр көрүүтэ буолла. Тэрилтэлэр бары олус айымньылаахтык кыһаллан, бэлэмнэммиттэрин көрдөрдүлэр. Ол курдук Е.П. Сивцев аат. оскуола коллектива – Мексика, «Хомус» уһуйаан – Индия, «Врачебнай амбулатория» — Испания, олохтоох дьаһалта – Казахстан омуктар буоланнар кинилэр олохторун-дьаһахтарын, үгэстэрин, култуураларын көрдөрдүлэр. Күрэхтэр уопсай түмүктэринэн: 1 миэстэ – Оскуола коллектива, 2 миэстэ – «Хомус» уһуйаан, 3 миэстэ – олохтоох дьаһалта уонна поощрительнай бириискэ«Врачебнай амбулатория» бары сэмэй бириистэринэн уонна грамотанан наҕараадаланнылар. Көхтөөх кыттыыны ылбыт нэһилиэкпит үтүө үлэһит дьонугар, тутаах тэрилтэлэригэр бу тэрээһин үрдүк таһымҥа ааспытынан олохтоох дьаһалта, спорт, култуура аатыттан барҕа махталбытын тиэрдэбит! Инникитин да бу курдук бары түмсүүлээх буолуоҕуҥ!
