Ыам ыйын 15 күнүгэр, аан дойду үрдүнэн Дьиэ кэргэн күнэ бэлиэтэнэр.
Бу күн «Сэргэлэх» сынньалаҥ дьиэтигэр «Дьиэ кэргэн-Дьол уйата» диэн үөрүүлээх тэрээһиннэр ыытылыннылар. Бу үтүө, сырдык бырааһынньыгынан «Күбэйэ» нэһилиэк дьахталларын түмсүүтүн бэрэссэдээтэлэ Иванова Ү. К. эҕэрдэлээн, элбэх оҕолоох Ийэлэргэ махтал суруктары уонна сэмэй бэлэхтэри туттарда. Тэрээһиҥҥэ көхтөөх кыттыыны ыллылар элбэх оҕолоох Ийэлэр уонна анал байыаннай дьайыы кыттыылаахтарын дьиэ кэргэттэрэ. «Дьиэ кэргэн — ыалы бөҕөргөтүү харысхала» — маастар кылааска сылдьаннар оӈорбут харысхалларын үөрэ-көтө дьиэлэригэр ыллылар,.»Ырыаны таай» күрэххэ оонньооннор, дьиэ кэргэн хаартысканан күрэх кыайыылаахтарыгар сэмэй бириистэр туттарылыннылар. Бу курдук кэлбит ыалдьыттарга анаан «Дьиэ кэргэн күнүнэн»- диэн суруктаах торт, минньигэс астаах остуол күндүлээн үөрэн-көтөн астынан бардылар. Дьиэ кэргэӈӈит таптал, дьол уйата буолан, ил-эйэ эрэ эӈэрдэстин, холумтаӈӈыт сылаас, оҕо-уруу толору, олоххут баай байылыат буолуохтун!
