Саас уонна Үлэ бырааһынньыгын көрсө, нэһилиэкпит иһигэр үтүө дьыалаҕа туһуламмыт СУБУОТУННЬУК тэрилиннэ! Күөх Маай бырааһынньыгын үөрүүлээх чааһын арыллыытыгар нэһилиэкпит аҕа баһылыгын солбуйааччыта Никонов Сергей Саввич бар дьонун эҕэрдэлээтэ. Аҕам саастаах, ытыктабыллаах Лидия Егоровна эдэр ыччакка, үүнэр көлүөнэҕэ анаан урукку кэми ахтан-санаан, көхтөөх үлэҕэ ыҥырда, айылҕаҕа, төрөөбүт төрүт сирбитигэр харыстабыллаахтык сыһыаннаһалларыгар иитэр-үөрэтэр үлэ саҕаламмытын бэлиэтээтэ. Бу тэрээһини сылын аайы күргүөмнээхтик ыытылларыгар баҕарда. Тэрилтэлэр, түөлбэ олохтоохторо сыһыарыллыбыт уулуссаларын бөҕүн-сыыһын хомуйбуттарын түмүгэр Хомустаахпыт нэһилиэгэ ырыаҕа ылланардыы ырааһыран, кэҥээн киэркэйэ түстэ. Нэһилиэкпит үлэһит, үтүө дьонугар Барҕа Махталбытын тиэрдэбит! Инникитин да бу курдук түмсүүлээх буолуоҕуӈ!
