Уһун кыһын кэнниттэн ,аам — дьаам тымныылар ааһаннар. Ырыа тылынан эттэххэ «Күндүл сааспыт эргиллэн, күммүт күлүм уоттанна, оҕо аймах мунньустан, көрү — нары көҕүлээтэ». Үгэскэ кубулуйбут Сандал Сааһы көрсүү, хас биирдиибитигэр үтүө өйдөбүлү хаалларар. Хаһан да хатыламмат олохпут биир кэрэ түгэнин, бары тахсан көххө, дойдубут көй ыраас салгынынан тыына, доҕоттордуун алтыһа, көргө — нарга кыттыһа бары үөрэ — көтө, туһалаах сынньалаҥ Хомустаах 2-с нэһилиэгэр Муус устар 18 күнүгэр бэрт сэргэхтик буолан ааста. Бу сааскы ылааҥы күн аллараа Тумуска бэлэм анньыллыбыт сиргэ оҕо аймаҕы, дьону-сэргэни түмтэ. Тэрээһин үөрүүлээх арыллыытын «Сэргэлэх» сынньалаҥ дьиэтин үлэһиттэрэ көрдөөх үҥкүүнэн, ылбаҕай ырыанан эҕэрдэлээн арыйдылар. Кыттыыны ыллылар Трапезникова Светлана Васильевна уонна Семенова Елена Васильевна. Тэрээһин чэрчитинэн нэһилиэкпит оҕолоругар уонна эр дьонугар анаан араас көрдөөх оонньуулар, күрэхтэр ыытылыннылар. Атыы-тутуу ярмарка буолла.
