17 муус устар 2026 сылыгар 2-с Хомустаах сельскай библиотеката Россия үрдүнэн ыытыллар «Библиотүүн – 2026» акцияҕа кыттыста. Бу тэрээһин Россия норуоттарын сомоҕолоһуутун сылыгар ананна. Аахсыйа сүрүн тиэмэтэ — «Норуоттар сомоҕолоһуулара – Россия күүһэ!» — Россия Федерациятын Президенэ биллэрбит сылын сүрүн идиэйэтин арыйда.
Библиотекарь Елена Васильевна оскуола оҕолоругар «Библиотүүн» устуоруйатын уонна элбэх омуктаах Россия биир сомоҕо буоларын суолтатын туһунан кэпсээтэ. Тэрээһиҥҥэ дойдубут араас норуоттарын култууратын көрдөрөр тематическай кинигэ быыстапката туруорулунна.
Ону таһынан «Аан дойду норуоттарын минньигэс сыта» диэн билиилээх-көрүүлээх чаас ыытылынна. Сүрүн сирдьитинэн «Аан дойду норуоттарын астара» диэн кинигэ буолла. «Сэргэлэх» НАДЬ үлэһиттэрэ дьиҥнээх повардар оруолларыгар киирэн, оҕолорго араас омук астарын амсаттылар уонна ол норуоттар үгэстэрин туһунан кэпсээтилэр. Оҕолор астары астына амсайдылар, викториналарга сэргээн кытыннылар.
