Кулун тутар 17 күнүгэр А. Ф. Шестаков аатынан Улуустааҕы норуот айымньытын киинигэр Саха Өрөспүүбүлүкэтигэр «Култуура сылын» чэрчитинэн «Көлүөнэлэр доҕордоһуулара» диэн ааттаах, култуура эйгэтигэр өр сылларга үтүө суобастаахтык үлэлээбит ветеран коллегаларбытыгар үөрүүлээх тэрээһин ыытылынна. Манна биһиги нэһилиэктэн «Саха Өрөспүүбүлүкэтин култууратын туйгуна, Хомустаах 2-с нэһилиэгэ сайдарыгар кылаатын киллэрбит үтүө үлэһит аатын икки төгүллээн ылбыт номинация хаһаайката, «Бастыҥ уус-уран салайааччы» Максимова Лена Андриановна, киинэ эйгэтигэр өр сылларга үлэлээбит Артемьев Спартак Матвеевич, учууталлар учууталлара, баяҥҥа доҕуһуолдьут, баянист ытыктабыллаах Колесов Иван Дмитриевич уонна техработник Павлова Мария Ивановна ыҥырыылаах ыалдьыт буолан кыһыл дорожканан хааман киирэн ааттара ааттанан, чиэстэнэн, сэмэй бэлэх уонна сибэкки дьөрбөтүн тутан дууһалыын үөрдүлэр, астыннылар. Бу күн ааспыт үлэлээбит кэмнэрин ахтыһан, санаан ааһар араас үтүө тыллардаах эҕэрдэ тыллар этилиннилэр, музейга экскурциялар ыытылыннылар. Көрсүһүү «Назад в СССР» диэн 3 түһүмэхтээх интеллектуальнай оонньуунан түмүктэннэ. Бу курдук кэлбит ыалдьыттар астынан, өр кэмҥэ көрсүбэтэх коллегаларын көрсөн сэһэргэһэн, эҕэрдэлэһэн, үөрэн-көтөн тарҕастылар.
