Кулун тутар 12 күнүгэр улуус үрдүнэн ыытыллар анал байыаннай дьайыыга кытта сылдьар уолаттарбытыгар анаан «БАРЫ БИИРГЭ, БИИР СОМОҔО!» аһымал көмө аахсыйа тэрээһинэ ыытылынна.
«Анал байыаннай дьайыы саҕаланыаҕыттан Украинаҕа Саха сириттэн тыһыынчанан байыас барбыта. Эр дьоммут, уолаттарбыт күүстээх санаалаах, үрдүк сиэрдээх-майгылаах, хорсун байыастар быһыытынан биллэллэр». Ол курдук Анал байыаннай дьайыы кыттыылаахтарыгар бүттүүн көмөнү оҥорууну Хомустаах 2-с нэһилиэгин бары тэрилтэлэрэ, түөлбэлэрэ, олохтоохторо, аахсыйаҕа кыттыһыан баҕалаах дьоммут-сэргэбит кэлэн кыттыстылар. Аахсыйа ыытыллар бириэмэтигэр «Сэргэлэх» сынньалаҥ киин туруорбут эҕэрдэ нүөмэрдэрэ «Уйгууна» вокальнай ансаамбыл, «Дьиэрэй» фольклор бөлөҕө «Төрүт дорҕоону» — кылыһах кырыымпаҕа бөлөҕүнэн толорон, оскуола оҕолоро «Уот үҥкүүтэ» бэлэх уунан киэргэттилэр. Маннык тэрээһин биһиэхэ түмсүүлээх, көхтөөх, үтүө санаалаах буоларга, сомоҕолоһорго улахан суолталаах. Хас биирдии киһи бу тэрээһиҥҥэ кыттан, уопсай кыайыыбыт туһугар кылааттарын, өҥөлөрүн киллэрбиттэрэ – атыттарга үтүө холобур буолар. Аһымал тэрээһиҥҥэ уопсай сумма 254 868,92 солкуобай харчынан уонна 65 кг. киирбитэ – дьон сомоҕолоһуутун көрдөрөр. Бары көмөнү оҥорбут, кыттыспыт дьоҥҥо махталбытын тиэрдэбит.
