Кулун тутар 7 күнүгэр нэһилиэкпит кэрэ аҥаардарыгар Сааскы маҥнайгы бырааһынньыгынан «Эһиэхэ эрэ анаан» бырааһынньыктааҕы эҕэрдэ кэнсиэри нэһилиэкпит эр дьоно көрдөрдүлэр. Кэнсэри эр дьон ансаамбыла «Бар дьоммор» ырыанан саҕалаан аста.
Ол курдук Сунтаар курдук ыраах сытар улуустан элбэх оҕолоох Захаровтар дьиэ кэргэн уоллара Захаров Александр Петрович кэлэн ийэтигэр Любовь Семеновнаҕа «Туйаарыма Куо»ырыаны уонна сибэкки дьөрбөтүн бэлэх уунна. Эр дьон «Ферма кыргыттара», «кавказский танец» үҥкүүлэри, «Икки сирэй» көрдөөх сыаҥканы, ыалдьыт мелодист, аккомпониатор Аскалон Егоров «Дэриэбинэм», «Баяным» ырыаларынан, Дмитрий Жирков «Мин дьоллоох эбиппин» ырыанан, Александр Герасимов «Санаабын өйдөөрүүй» ырыанан, сибэкки дьөрбөтүн олоҕун аргыһыгар Ирина Васильевнаҕа бэлэх уунна. Эҕэрдэ кэнсиэри «Эн баар буолаҥҥын» ансаамбыл ырыатынан түмүктээтилэр. Кэлбит ыалдьыттар эҕэрдэ кэнсиэри астынан, дуоһуйа сынньанан, үөрэн-көтөн тарҕастылар.
