2025 сыл «Улуу Кыайыы 80 сылыгар», нэһилиэкпитигэр «Улуу Кыайыы уонна Көлүөнэлэр ситимнэрэ» сылларыгар аналлаах үлэ барыта нэһилиэк сайдыытыгар, олохтоохтор олохторун уйгута тупсарыгар туһаайыллан ыытылынна.
Сыл устата нэһилиэк олохтоохторо, тэрилтэлэр үлэһиттэрэ, общественнай түмсүүлэр бары ыытыллар үлэлэргэ, дьаһалларга көхтөөхтүк кытыннылар. Ол курдук үтүө үгэскэ кубулуйбут «2025 сыл бастыҥнарын чиэстиир» — дьоро киэһэтэ тохсунньу ый 30 күнүгэр «Сэргэлэх» сынньалаҥ киинигэр буолла.
Үөрүүлээх чааһы аста Тыа сирин түөлбэтин «Хомустаах 2-с нэһилиэгин» баһылыга
Лев Николаевич Новгородов. 2025 сыл Таатта улууһун Ытык – күөл нэһилиэгэр XXII «Манчаары оонньуулара» күрэс төрүт көрүҥнэригэр уонна «2025 сыл спорт эйгэтигэр үрдүк ситиһиилээхтэргэ» кыттыбыт спорстменнарга, эҕэрдэлээн туран наҕараада туттарда.
Нэһилиэк историятын көрдөрөр «Түмэл» салайааччыта Сивцева Надежда Ивановна
«Улуу Кыайыыны сырдатааччы» номинацияны — Пестрякова Арина, Е.П.Сивцев аатынан
2-Хомустаах оскуола 8-с кылааһын үөрэнээччитигэр уонна Айхал, Айтал Винокуровтар «Хомус» уһуйаан иитиллээччилэригэр туттарда.
Тыа хаһаайыстыбатын исписэлииһэ Осипов Владимир Евгеньевич
«Тыа хаһаайыстыбатын кэскилэ» -Новгородов Кузьма Николаевичка — эдэр көлүөнэҕэ элбэх сүөһү – сылгы иитээччигэ, «Төрүт дьарык утума» -Лыткин Сандал Е.П.Сивцев аатынан 2-Хомустаах орто оскуолатын 10 кылааһын үөрэнээччитигэр туттарда.
«Олох – дьаһах хаһаайыстыбатын» салайааччыта Олесов Денис Денисович «Олох дьаһах хаһаайыстыбатын тутаах үлэһитэ» номинациялары — Семенов Петр Петрович – АО «Намкоммунтеплоэнерго» 2-Хомустаах производственнай учаастагын суоппарыгар уонна Иванов Петр Александрович – 2-Хомустаах производственнай учаастагын оператор-машиниһыгар туттарда.
Тыа сирин түөлбэтин баһылыгын солбуйааччыта Никонов Сергей Саввич — «Көлүөнэ ситимин бастыҥ тэрээһиннэрэ» номинацияны -Находкина Александра Афанасьевна, «Осиповтар дьиэ-кэргэттэригэр», Гаврил Гаврильевич Слепцов – Дьиэрэҥкэй ыччаттарын, суотчут Поповтар династияларын аатыттан махтал суругу уонна харчынан бириэмийэни — Норуот айымньытын дьиэтин «Сэргэлэх» сынньалаҥ киинигэр уонна администрация бухгалтериятын үлэһиттэригэр туттарда.
Е.П.Сивцев аатынан орто оскуола директора Габышев Михаил Федорович «Үөрэх эйгэтин бастыҥ үлэһитэ» номинацияны — Максимова Татьяна Михайловнаҕа — педагог – психологар, «Сыл бастыҥ үөрэнээччитэ» — Полускин Эрик 10 кылаас үөрэнээччитигэр туттарда.
«Хомус» уһуйаан салайааччыта Протопопова Анисия Афанасьевна «Уһуйаан бастыҥ үлэһитэ» — номинацияны Гладких Наталья Евгеньевнаҕа – «Хомус» уһуйаан иитээччитигэр туттарда.
Спортинструктор -Чемпина Сахая Ильинична «Сыл бастыҥ спорстмена» улахан дьоҥҥо — номинацияны Сивцев Егор Николаевичка Хотугулуу – Илин Федеральнай университет 2-с курсун студеныгар, оҕолорго — Гладких Альбертка 10 кылаас үөрэнээччитигэр туттарда.
2026 сыл Арассыыйаҕа Дойду бэрэсидьиэнэ Владимир Владимирович Путин «Норуоттар сомоҕолоһууларынан», Саха Өрөспүүбүлэкэтигэр Ил Дархан — Айсен Сергеевич Николаев «Култуура», Нам улууһугар муниципальнай оройуон баһылыга Юрий Иннокентьевич Слепцов «Саха сирин уһулуччулаах государственнай уонна политическай диэйэтэлэ Илья Егорович Винокуров 130 сыла, Дьиэ кэргэн экономикатын үөрэҕирии эйгэтигэр эбии үөрэхтээһин» сыллара арыллан, Тыа сирин түөлбэтин Хомустаах 2-с нэһилиэгэр «Дьиэ кэргэн уонна Култуура» сыла бигэргэтилиннэ. Убаастабыллаах нэһилиэкпит олохтоохторо, дьоно — сэргэтэ! Өрүү бу курдук нэһилиэкпит сайдарын туһугар үлэлээн-хамсаан, бары биир киһи курдук көхтөөхтүк кыттан, үөрэ-көтө сылдьыҥ! 2026 сыл саҥа сүүрээннэри киллэрдин, аартыктары арыйдын! Биир санаанан салайтаран бииргэ үлэлиэҕиҥ – хамсыаҕыҥ! Үрдүк ситиһиилэргэ дабайыаҕыҥ!
