Ахсынньы ый 1 күнүгэр нэһилиэкпитигэр «Кыһын Саха сириттэн саҕаланар» фестиваль чэрчитинэн ыытыллар «Саҥа Дьыллааҕы Харыйа күлүмнэс уота сандаарар» -үгэс буолбут үөрүүлээх түгэнэ буолан ааста. Үөрүүлээх түгэни Хаар киһи, Куобахчаан уонна ааһан эрэр сылбыт бэлиэтэ Моҕой кэлэн оҕолорго көр-нар ыыттылар. Тымныы Оҕонньору сиэн кыыһын Хаарчаананы арыаллаан оҕолору кытта хоровод эргийдилэр, Хаарчаана бэлэмнээбит Саҥа Дьыллааҕы флешмоб үҥкүүнү үҥкүүлэстилэр, көрү көҕүлүттэн туттулар. Оҕолор Тымныы Оҕонньорго суруйбут баҕа санаалаах суруктарын анал дьааһыкка уган туттардылар.
Бу үөрүүлээх күн умнуллубат күлүмнэс салютунан уонна уопсай хаартыска түһүүтүнэн түмүктэннэ.
