Өрөспүүбүлүкэтээҕи Олоҥхо декадатын чэрчитинэн Сэтинньи ый 27 күнүгэр Олоҥхо күнүн көрсө «Сэргэлэх» сынньалаҥ киинигэр Е.П. Сивцев орто оскуола алын сүһүөх оҕолоро олоҥхолоон иһитиннэрдилэр. Салайааччы Афанасьева Саргылана Петровна бу кэннэ «Үнүгэсчээн» драмкружога Өксөкүлээх Өлөксөй «Хомус» олоҥхотун дьүһүйдүлэр. Дьүһүйүүнү бэлэмнээн туруорда салайааччы Максимова Лена Андриановна. Бу күн оскуола тэрилтэтин көҕүлээһининэн күндү ыалдьыппыт буолла Олоҥхо тыйаатырын артыыһа Яна Петровна Нюргусова олоҥхоһут, фольклору хомуйааччы А.Г. Местников «БАРДАМ БААБЫЙ» олоҥхотун 45 мүнүүтэ толордо. Оҕолор олоҥхону чуумпуран сэргээн иһиттилэр.
Сэтинньи ый 29 күнүгэр «Олоҥхо – оҕо хараҕынан» быыстапка уонна «Үөлэн Хардааччы» — Сергей Васильев – Борогонскай айымньытынан оҕолорго уонна нэһилиэк олохтоохторугар олоҥхо көрдөрүлүннэ. «Олоҥхо – оҕо хараҕынан» быыстапка түмүгүнэн: «Хомус» уһуйаан оҕолоругар
1 миэстэ – Герасимова Алиса 6 саастаах «Дьырыбына Дьырылыатта», 2 миэстэ – Гладких Марк 5 саастаах «Үс дойду», 3 миэстэ – Аргунов Артемий 6 саастаах «Бухатыыр ата» уруһуйдарынан кытыннылар. Салайааччылар: Протопопова Мария Андреевна, Павлова Нарыйа Михайловна. Е.П. Сивцев орто оскуола алын сүһүөх оҕолоругар 1 миэстэ — Меркулова Амира 2 кылаас «Дьырыбына Дьырылыатта», 2 миэстэ – Протопопова Мирослава «Туйаарыма Куо», 3 миэстэ – Петров Эрнест «Ньургун Боотур аллараа дойдуга» уруһуйдарынан кытыннылар. Орто сүһүөххэ: Ефимова Карина «Абааһы бухатыыра» уонна «Дьулуруйар Ньургун Боотур» уруһуйдарынан кыттан 1 миэстэ буолла. Оҥоһук күрэҕэр: Дорофеева Зарина «Абааһы бухатыырын» оҥорон 1 миэстэни ылла. Кыайыылаахтар уонна кыттыылаахтар туоһу, добун суруктарынан, анал бирииһинэн наҕараадаланнылар. Бу курдук Олоҥхону сэргээччилэр Олоҥхо туһунан билиилэрэ өссө хаҥаабыта буолуо диэн бүк эрэллээхпит.
