2024 сыл Арассыыйаҕа «Дьиэ кэргэн» сылынан, Саха сиригэр «Оҕо сылынан», улууспутугар «Оҕо спорда» сылынан, нэһилиэкпитигэр «Тыа ыала» сылынан биллэриллэн ыытыллар үлэ барыта нэһилиэк сайдыытыгар, олохтоохтор олохторун уйгута тупсарыгар туһаайыллан ыытылынна. Сыл устата нэһилиэк олохтоохторо, тэрилтэлэр үлэһиттэрэ, общественнай түмсүүлэр бары ыытыллар үлэлэргэ, дьаһалларга көхтөөхтүк кытыннылар. Ол курдук үтүө үгэскэ кубулуйбут сылы үөрүүлээхтик түмүктүүр киэһэтэ Тохсунньу 23 күнүгэр «Сэргэлэх» сынньалаҥ киинигэр буолла. Үөрүүлээх чааһы аста «Хомустаах 2-с нэһилиэгэ» тыа сирин түөлбэтин баһылыгын солбуйааччы Сергей Саввич Никонов. Ол курдук маннык анал ааттар ананнылар: «Бастыҥ тыа ыала» — Варвара Ивановна, Иннокентий Афанасьевич Протопоповтар; «Бастыҥ спортивнай дьиэ кэргэн» — Мария Александровна Протопопова, Айысхан Иванович Охлопков; «Сыл бастыҥ спортсмена» — Осипов Альберт; «Нэһилиэк бастыҥ спортсмена» — Егор Николаевич Сивцев; «Бастыҥ тренер» — Петр Романович Уваровскай; «Үөрэххэ бастыҥ көрдөрүүлээх дьиэ кэргэн» — Ульяна Николаевна, Юрий Алексеевич Гоголевтар; «Бастыҥ түөлбэ салайааччыта» — Ефимова Екатерина Леонидовна; «Бастыҥ активист 2024с» — Богатенкова Анастасия Семеновна; «Олох-дьаһах коммунальнай хаһаайыстыбатын бастыҥ үлэһитэ» — Иван Ильич Попов, Михаил Михайлович Максимов; «Нэһилиэк 2024 сыл логотивын кыайыылааҕа» — Александра Романовна Слепцова. Үөрүүлээх дьоро киэһэни киэргэттилэр Хомустаах 2-с нэһилиэгин уус-уран самодеятельнай кыттыылаахтара. Кэлбит ыалдьыттар дуоһуйа астынан, үөрэн-көтөн бардылар.
